شيماء عزت تكتب: ننتظر أن يمر الصعب مر العمر

في لحظات كده بنحس إن الدنيا وقفت، وإن الوجع مش ناوي يخلص، بنعيش الأيام بالعافية ونقول لنفسنا أكيد الصعب ده هيعدي ،

بنستني الفرج زي اللي مستني أول ضوء بعد ليل طويل

بس الحقيقة إن الصعب دايما بيعدي، حتى لو على مهله بيسيب وجع، بس كمان بيسيب قوة، وبيخلينا نتعلم إزاي نقف على رجلينا من تاني.

كل مرة بنطلع منها بشخص جديد أهدى، أذكى، وأقرب لربنا

لما بنبص ورا بعد التعب بنحس بفخر غريب

قد إيه اتوجعنا، بس لسه واقفين.

قد إيه بكينا، لكن لسه عندنا أمل.

بنفتكر قد إيه كنا موجوعين بس بنبتسم مش لأننا نسينا، لكن لأننا عدينا من الصعب.

مرحبا بالعمر اللي جاي بعد الشدة

بالعمر اللي فيه راحة بعد الصبر، وضحكة بعد الدموع، وسكينة بعد الزحمة.

مرحبا بالعمر اللي اتولد من وجع، لكنه طالع يكمل بقلب راضي وسلام من جوه القلب.