وزير البترول يصدر قرارا بتعيين المهندس وليد حجازي رئيسا لشركة خدمات البترول البحرية

إحنا مش ناقصنا يوم نلبس فيه مشاعرنا ونصورها، ولا وردة حمرا نثبت بيها إننا بنحب.

إحنا ناقصنا الحب نفسه اللي بيبان من غير مناسبة.

ناقصنا صلة رحم ما تتقطعش مع أول خلاف، وحب في الله ما يبقاش كلام، وعشرة أهل فيها تصافي قبل ما يبقى فيها عتاب.

ناقصنا أصحاب يشبهونا في وقت الضيق، مش بس في وقت المصلحة.

بقى قليل قوي نشوف المودة الحقيقية، حتى الابتسامة بقت سريعة وتخلص مع أول سلام.

ونسينا إن أبسط الحاجات هي أكتر حاجات بتعيش.

الحب مش احتفال، الحب طبطبة، نبرة صوت، رسالة تطمن، وجود ما يوجعش.

فيه ناس ما تعرفش تقول كلام حلو، بس وجودهم في حياتنا أمان.

ناس لما تقعد جنبك تحس إن الدنيا لسه بخير.

وفي الآخر، مش اللي بيعيش هو الجسد، اللي بيعيش هو الأثر ويبقى الاثر .

ريحة الذكرى، وكلمة حلوة، وقلب ما أذيش حد.

فخلوا الحب عادة،مش مناسبة .

سامحوا، وأحسنوا الظن، وكونوا صادقين لأن الصدق أعلى وأجمل شكل للحب.

وكل أيامكم حب، مش بس يوم واحد.